සිංහල බ්ලොග් කලාව තුළ අවමංගල යනු පොරක් නොවේ. එහෙව් පොරත්වයක් කෘත්‍රීමව ආරෝපණය කරගන්නට මාන බලන පොරක් ද නොවේ. මේ වෑයම මියැදෙන්නට පෙර... හිතේ දුකට... බ්ලොගයකට කරුණු ගොනු කිරීමට ය. - අවමංගල -

Monday, October 31, 2011

උපාසක බළලා සහ 21 Century බයියා බබා...

... උපාසක බළල්ලු මීයො දෙන්නා දෙන්නා

අල්ලනවලු... කතාව සම්පූර්ණ ඇත්ත බව කිව්වොත්

ඔබත් මාත් එක්ක එකඟ වේවි. උපාසකයෝ වගේ

සමාජය ඉදිරියේ ඉන්න ගොඩක් අයගෙ හක්කෙ බුදු

රැස්... බොක්කෙ දඩමස්...

ඒ ගොඩාක් අය සිගරට් එකක් බොන්නෙ නැතුව,

බෝතලයක් ගහන්නෙ නැතුව, නගර සෝබනියක්

එක්ක බුදියාගන්නෙ නැතුව ඉන්නෙ සමාජයේ මිනිස්සු

අතර තමන්ට තියෙන පිළිගැනීම තියාගන්න ඕනි නිසා

මිසක් බෝසත්කමකට නෙවෙයි. ගමේ බෝක්කු කට

උඩ වාඩි වෙලා බීඩියක් සිගරට් එකක් ගහන,

හොරෙන් හොරෙන් ඉඳලා හිටලා ෆෝන් එකකින්

ක්ලිප් එකක් බලන කොලුගැටයට වඩා නව අධ්‍යාපන

ප්‍රතිසංස්කරණවලට අනුව තරඟයට මුහුණ දෙන්න

අම්මලා තාත්තලා පොළඹවපු ; 'ගෙදරින් අඩියක්වත්

එළියට බහින් නැතුව පාඩම් කරපිය' කියලා පුතාගෙ

තනියට Phone එකකුයි Computer එකකුයි ළඟට

කරපුවහම හරී කියලා හිතන අම්මගෙ පුතා භයානකයි.

ඌ තනිකරම ජාත්‍යන්තර කුපාඩියෙක්. ඒත්... උගෙ

අම්ම නම් කියන්නෙ....

"අපෙ කොල්ලගෙන් නම් කාටවත්

කරදරයක් නෑ. උදේට ඉස්කෝලෙ යනව. ක්ලාස්

තිබුණොත් ක්ලාස් යනවා. නැත්තං ඔන්න ඔය

කොම්පියුටරේ දාගෙන සිංදු අහනවා. එච්චරයි. ඔය

දහපදුරාවෙ යන කොල්ලොත් එක්ක බෝල ගහන්න

යවලා කොල්ලන්ව නරක් කරගන්නවට වඩා මෙහෙම

ගෙට කරගෙන ඉන්න එක කොච්චර හොඳද?"


ඒත් 20 වැනි සියවසේ හණමිටි අදහස් තියෙන අම්මා

තමන්ගෙ සුහච කීකරු පුතාගෙ පැ‍ටිකිරිය දන්නෙ නෑ.

මූ උදේට ඉස්කෝලෙට යන්නෙ Gold Leaf එකක්

ගහලා බව අම්මා දන්නෙ නෑ. ඉස්කෝලෙදි මූ ගංජා

ගහන බව කුඩු ගහන බව ගුලි කන බව අම්ම දන්නෙ

නෑ...

"ඒයි... අද නම් පුතාට ගොඩක්

මහන්සි පාටයි. ආපු ගමන් ම ඔළුව රිදෙනව කියලා

බුදියගත්ත. ඇස් දෙකත් රතුවෙලා. දෙයියන්ගෙ

අසනීපෙද දන්නෙ නෑ..."
වැඩ ඇරිලා ආපු

තාත්තට‍ අම්මා කියනවා.

මේ කොලුවා රෑට PC එක දාගෙන skype එකෙන්

ගෑණියක් එක්ක online බුදියාගන්න බව අම්මලා

තාත්තලා දන්නෙ නෑ.

"පුතා... නිදාගන් නැද්ද...???"

"දැන්ම බැහැ තාත්තෙ... මට මේ

ප්‍රොජෙක්ට් එකකට නෙට් එකෙන් තොරතුරු ටිකක්

හොයන්න තියෙනවා."
බත් කනවා. කාමරේ‍ට

රිංගා ගන්නවා. මේ සාන්ත දාන්ත තීන්ත කූඩුව රෑ එළි

වෙනකල්ම සෙක්ස් විඩියෝ බලනවා. සෙක්ස් චැට්

කරනවා. ගමේ කොල්ලෙක් එක්ක කතාවක් නෑ. ඌ‍ට

ඉන්නෙ රාජකීය යාළුවෝ...

"මේ ගමේ ඉන්න බයියො මොනුන්ද

අම්මේ..."
ඔක්කෝටම වඩා ලොකු බයියා

තමන්ගෙ යාළුවෝ ගැන එහෙම කියනවා. කුඩු

කාරයෝ වනචරයෝ පෝලිමට උගේ Friends List

එකේ ඉන්නවා.

අම්මටත් ඉතින් මැජික් වගේ...

මේ අද සමාජයේ තිත්ත වුණත් ඇත්ත කතාව...
මේ වගේ දේවලින් විෂම වුණු කුටුම්භ ඇති තරම් මේ

සිරි ලංකාවෙ තියෙනවා.

මේ ‍Post එක බලන ගොඩක් අයගෙ හිත් රිදේවි.

ඉන්ටර්නෙට් එකේ ඉන්න ගොඩක් කෙල්ලන්ගෙ

කොල්ලන්ගෙන් බහුතරයකගේ කතාව මේ කතාව ම

නිසා. අපි හැමෝගෙ ම වැරදි තියෙනවා. ඒ 21 වැනි

සියවසේ පොඩි උන්ටික... ඉපදෙන්න ඉන්න උන් ටික

හරි මඟට ගන්න එක අපේ යුතුකම...

පුදුමයි... ඒත් ඇත්තයි...